موضوعي اللي طاف ما صار له اسبوعين ..كنت كاتب فيه عن مصايب التحرشات والمغازل بالسيارة بسبب ملاحقة البنات و تضييق الشارع عليهم .. وأهديكم اليوم مصيبتين جدد .. واحد قلب هاف لوري .. والثاني أجبر بنت للصعود على الرصيف !ء
تفضل !!!ء
هذا واحد .. ء
تفضل هذا الثاني ..ءسين سؤال: لو كان بيدك سلطة للتحكم في هذا الموضوع .. شنو القرار اللي راح تاخذه؟
على فكرة .. تدرون مرة شاب كويتي جرب يتحرش ببنت في دولة خليجية .. تدرون شسووا فيه ؟؟
هذي التربية ولا بلاش! أقترح على وزارة الداخلية أن ترسل بعثات لبعض شبابنا لهذي الدولة الخليجية يربّونهم لنا ويرجعون .. لأن دولتنا ما تعرف تربي عيالها. ء
أو بالاصح .. دولتنا ما تعرف تعاقب مجرمينها.! ء
* * * *
ويسرنا أيضاً في مدونة الفكر الكويتي نيابة عن رئيس وأعضاء هيئة التحرير وكادر المصورين وجميع طاقم البث والارسال في المدونة .. ونيابة عن سكّان منطقة قرطبة .. وجميع الشعب الكويتي .. أن نهنّئ الشعب التركي بقرار المحكمة الدستورية التركية الذي رفض حظر الحزب الذي اختاروه ليحكمهم .. حزب العدالة والتنمية .. حزب منظم وناضج ونظيف ويعرف كيف يدير شؤون البلد .. أستطيع أن أدعي أنه المثل الأعلى لأي حزب أو تيار في الوطن العربي. ء* * * *
الإسم: محمد نجيب ولد باشا
الجنسية: بنغالي
العمر: 36 سنة
الوظيفة: سائق في شركة خاصة
الوظيفة: سائق في شركة خاصة
.
محمد نجيب أحد أصدقائي اللي تعرفت عليهم في المسجد القريب من البيت .. وسويت معاه لقاء حصري بعد أحداث ثورة بني بنغال عن أسباب ومطالبات هذا الاعتصام ..تابعوا معانا
.
الحارث: نجيب
نجيب: ايوا
الحارث: انت كنت موجود في الاعتصام
نجيب: ايوا في المهبولة
الحارث: جم كان عددكم؟
نجيب: شنو؟؟
الحارث: جم نفرات روح مهبولة؟
نجيب: وازد نفرات يروح .. كلو يشتغل شركات ما يخذ معاش و..ء
الحارث: لحظة لحظة .. طول بالك .. انت تشتغل سايق في شركة خاصة .. صح؟
نجيب: صه
الحارث: جم معاشك
نجيب: بالعقد يكتب 50 .. بس هذا مصري يعطيني 20 بس
الحارث: كل شهر؟
نجيب: لا .. مرة تمانية شهر ما يعطي معاش .. آخر شي يعطيني 100 دينار بس
الحارث: يعني عطاك أثر رجعي وناقص بعد !!ء
نجيب: شنو !؟
الحارث: اي .. يعني ناقص 60 دينار؟
نجيب: ايوا مفروز بعد 60 دينار
الحارث: انزين انتوا ما تكلمون المدير تقولون له نبي معاشنا؟
نجيب: هذا مدير مصري ما يقدر سوّي شي .. شركة مال واهد كويتي
الحارث: اهااااا
نجيب: مرة واهد صديق مال انا 6 شهر ما ياخد معاش .. هو يروه يكلم كويتي .. كويتي يتق صديقي هني ( ويشير على وجهه)ء
الحارث: لا حول .. علشان جذي سويتوا اعتصام
نجيب: شنو!؟؟
الحارث: المهم .. انزين ليش ما رحتوا السفارة؟
نجيب: سفارة هذا ما يسوي شي .. احنا يروه هناك نفرات وازد .. سفارة يقول اطلع برة! ء
الحارث: لا حول .. علشان جذي سويتوا اعتصام
نجيب: شنو!!؟
الحارث: زين انت ليش رحت المهبولة ؟
نجيب: انا شنو يسوي .. انا 5 شهر الحين ما ياخد معاش .. أكل مافي .. هدوم مافي .. شراب.. ء
الحارث: لحظة لحظة ... ء
نجيب: بس هذا كويتي همار بس ياكل ويشرب ويركب سيارة وفي عنده بيت... ء
.
هني .. بدا نجيب يبجي من القهر اللي فيه
واحنا نقول لكل ظالم .. لكل من عنده عمال او موظفين .. او خدم ..وما يعطيهم حقهم نقول له: ء
تنام عينيك والمظلوم منتبه ** يدعو عليك وعين الله لم تنمِ
.
ويقول المصطفى صلى الله عليه وسلم: " أعط الأجير أجره .. قبل أن يجفّ عرقه"ء
السلام عليكم
والله ياخوي اللي قاعد يصير عندنا شيء مؤسف ومخجل ولا كأنهم كويتيين حسبي الله عليهم , انا بعرف اشلون يقدر ينام واهو ظالم انسان و مو معطيه اجره , والحكومة بعد خراب مالطا اليوم بالجرايد اتقول راح انحاسب الشركات !! اشعقبه ووينكم ساكتين عنهم طول هالفترة ؟
اخوي الحارث احنا قاعدين ننفخ بجربه مخرومه , الحكومة كلها بره الكويت والاعضاء اغلبهم مو بالكويت !
لا ويبون الكويت مركز مالي ؟؟؟
المفروض يخلون الكويت مركز مالي فقط في الشتاء والصيف اتصير كلها اجازة
بالنسبة للمغازلجية المفروض يغلظون القوانين اللي تخص هذا الموضوع وتعطي صلاحيات للدوريات واذا مالهم خلق يعطونا هالصلاحية :)
حبيب يالحارث وعساك عالقوة
الأخ الحارث
موضوعك ظريف لطيف خفيف
ورسالتك وصلت
ويا ليت شبابنا يثقلون إشوي.
لا حول ولا قوة الا بالله
الله يحفظنا و يهدي هالمتهورين.. يعني فرضا هذي الي حدها و صارلها حادث طلعت اخته.. شيسوي؟
الله يهديهم
و يعيش حزب العدالة .. :)
و الله يعين نجيب و صحبه على معاناتهم .. بس مادري شلون هالتجار ينامون .. ماكو ضمير..!! مادري ماعندهم قلب يحسون!
اشكرك يا مفكرنا الفاضل على البوست المنوع و الممتع المؤلم ..
تقبل مروري :)
الله الله يا الحارث
والله وحش ... كتاباتك نار
اولا بالنسة للمغازلجية
والله صج يبيلهم احد يربيهم
ما كو على ايام قبل
انا لو بيدي الحين
ارجع مثل ايام سوق الصفاة
((طق بالخيازرين منقعة بماي وملح ))
ومبرووك لحزب العدالة
واخبارك تفرح القلب بصراحه
هذا الحزب يستاهل
واما نجيب البنغالي الله يعينه
ودمعه المظلوم مو سهله
هذوول الي ما يخافون الله ما يعطون الناس معاشاتهم
وهم مصيفين بره الكويت
الله يهديهم ولا فعقابهم شديد
مااقدر اقول اكثر من قول النبي علية الصلاة والسلام
((اعطوا الاجيره اجرة ))
واخيرا والله يفتح عليك استمتعت بقراءة مقالك الرائع
نجيب عبارة عن جزء صغير صغير صغير جداً
من الظلم اللي حاصل
الله يعوضهم خير إن شاء الله
يزاك الله خير ...
وكثر الله من أمثالك...
والله يعين المظلوم...
This comment has been removed by the author.
السلام عليكم.
تؤ تؤ تؤ
والله ما يستحون!
والله روح دول الخليج ترا ما يصير تحرشات ومغازل نفس اللي بالكويت أصلا الخليجيين من ايون المجمعات شيشوفون!!
شي يفشل
أغلبه ناس فاضيه حتى تلقى بوكه فاضي بس ياي يتطمش على بنات خلق الله!
والبنات ما يقصرون ساعات الله يهديهم
________________________
والله مسكين هالبنغالي كسر خاطري )":
الله يعوضه خير
يعطيك العافيه
اتفق مع كل الكلام اللي ذكرته
يعطيك العافيه الحارث
بيه يا الحارث
قلبك متروسه
بشرنا عنك !!
مساكين هالاسيويين يكسرون الخاطر
هاد اهله و مغترب علشان جم بيزه و اخرتها جذي!!
كنت متواجد اثناء المظاهره لكن من بعيد لبعيد ..والمضحك في الموضوع ان رجال القوات غرزت سيارتهم و طلعوها هالهنادوه :)
لاحظت يا خوي ان بعض المواطنيين ما يحشمون هالهندي الادمي الي قدامه..على ادناة الدون طراق
حسبي الله ونعم الوكيل
المغازل ...الله الهادي..خل الداخليه بالاول يسنعون شبابهم هالمغازلجيين علشان يسنعون شباب الديره
This comment has been removed by the author.
و الله الي يغازلون .. الله يهديهم .. و في نفس الوقت لي وجهة نظر .. معالجتهم أولى من الكلام عنهم و ذمّ تصرفاتهم
ليش بالدول الأجنبية ما يصير جذي؟
أما الي جلدوه << عجبتني الحركة :D
و بالنسبة للعمالة ! والله الله فوقهم و ماراح ينسى لهم أي شي يسوووونه و بشوفون .. و البركة مو على 5 مليون .. البركة حتى ب 4 مليون و980 ألف !!!
حسبي الله و نعم الوكيل و لا حول و لا قوة إلا بالله .. كلها 20 و ما يعطونهم :((
انا سعيد جدا بدخولي مدونه لاحد اخوتي من الكويت
أرجو ان نتقابل دائما على صوت الحق والعدل
الله معنا واياكم
السلام عليكم
الله يعطيك العافية على هالتدوينة الثلاثية
بالنسبة للمغازلجية الله يهديهم
ما أدري هم معتبرين المغازل عقيدة يضحون عشانها !!
وبالنسبة للتهنئة فقد شاركتك فيها وخاصة أنني أحد أبناء قرطبة :)
ولكنك قلت
"أستطيع أن أدعي أنه المثل الأعلى لأي حزب أو تيار في الوطن العربي"
أحب أن أضيف عليها قيد وهو
" في الجانب المؤسسي التنظيمي والإداري"
وأما بالنسبة لنجيب
فآه ثم آه
حسبي الله ونعم الوكيل
والله يكسرون الخاطر
مغازلجية، حزب العدالة والتنمية، نجيب
تقدر تسوي رابط بينهم؟
:p
هذا رد على كل من يقول الكويت دوله علمانيه المذهب .. والدليل زياره امير البلاد لقبر أتاتورك
كاهي الكويت تهنئ حزب اسلامي على شرعيته
الحين اشلون !!!
انا اقول المغازلجي المفروض ينطق طق سنه بساعه
واقول حق البنات دقوا على الشرطه تراهم عند ويهكم
:)
تركيا من جديد .. حزب العدالة و التنمية حزب رائد و انتصاراته السياسية تثلج الصدر و اللي يزرع يحصد .. ناس عرفوا شلون ينزلون حق الشعب و يتبنون قضاياه و يمثلونه أفضل تمثيل مع انجازات على مستوى الاقتصاد و السياسة و مبروك لغول و اردوغان و الله يرزقنا اتساع في الافق أكثر و شمولية في النظرة مع تمسك صارم بالثوابت التي هي أساس نجاح أو فشل الحركات في اعتقادي
الله يعين نجيب و ربعه .. و الله ما نرضى بالظلم و صلى الله عليه و سلم يقول (انصر أخاك ظالما أو مظلوما )
يالله شدوا على يد اخوانكم من هالتجار المستهترين بحقوق هالمساكين و ما في أحد فوق العدالة .. شلون ما تبون الجرايم تزيد في وضع مثل هذا؟ الطريق للحل هو الى أؤلئك التجار اللي ظلموه م
المغازل .. اعتقد ان الخلل في عدم استشعار مراقبة الله عز وجل .. و شعار التغيير (لا تجعل الله أهون الناظرين إليك )
مدونة مميزة و لازالت التجربة التركية تستحق أكثر مما كتب عنها :)
الله يكافينّا الشر.. إحصائيات الوفيات
صارت بأرقام خيالية! والأسباب معظمها تدور حول الشباب واستهتارهم باطريج;/
أما عن الموضوع الثاني فسبحان من أعمى قلوبهم وجعلها كالحجارة بل أشد قسوة.. !
أعلن ديوان الخدمة المدنية عن توفير آلية جديدة لمحاولة التقليل من هذه الأزمة بتوفير بطاقات سحب آلي لهؤلاء وقدرتهم على إلغاء صلاحية السحب من الحساب في حالة إذا قام مديره بأخذ بطاقته منه.. إن شاء الله المشروع قيد التنفيذ و سيوضح بكافة اللغات حتى لا تضيع حقرقهم بإذن الله
بارك الله فيك..
اى والله شي مادرى ليش مايعطونهم معاشاتهم احنا مراسلينا صادوووهم شغب وهم بالمهبوله
حرام شيسوي بالعشرين دينار ومايعطونهم كل شهر بعد
لاحول ولا قوة الا بالله
وبخصوووص التحرش
حدث ولاحرج
الحين البنت تتحرش بالشاب والشاب يتحرش بالبنت
اثنينهم يفتحون المجال لبعض
هالفئه مالى شغل فيهم
الفئه الثانيه اللى فيها يتحرش الشاب بالبنت وماتعطيه ويه ليش يلزق فيها شنو غصب او انه يحدها لانها ماتبي تاخذ رقمه يااخى روح حل عن سمااها
ياتاخذ رقمك او تموت هالبنت او انت ماتتحكم بالسياره ودشلك بمادري شنو
يعني الانسان المفروض يسأل نفسه سؤال انت ترضى اختك يصير فيها جذي بنتك او امك اى احد من اهلك اكيد لأ
عيل لاتسوي جذي بخلق الله ماعطوك ويه روح
لو يطبقون قانون انهم يحلقون الشاب اللى يتحرش بالبنت ويختمون على جبهته متحرش او اى شي احسن عشان يتوبون
أخبار متفرقة
المغازلجية ما ييوزون
وأكل حق الغير ما يورث خير
تسلم الحارث
لاحول ولا قوة الا بالله
حرام والله حرام
مسكين
:(
مساء الخير أخوي
آنا ما أدري متى ييوزون المغازلجية عن سوالفهم و يكبرون ؟
ما أدري يعني مستانسين على أشكالهم و اهمه يلاحقون البنات تقول خرفان ؟
الرسول صلى الله عليه وسلم قال أعطوا الأجير أجره قبل أن يجف عرقه
بس ربعنا عمك أصمخ إذن من طين و إذن من عييين
يعطيك العافيه على هالبوست
سلامي لك :)
الاخ طلال
جزاك الله خيرا على اوردت
وكلما سلطنا الضوء اكثر على المشكلة تبدت لنا الكثير و الكثير منها
نسأل الله العفو العافية
تبقى مسألة الحلول ويجب السعي لها وتجربتها للقضاء الى اصل المشكلة
مشكلة العمالة التي لا تأخذ اجرها في وقتها مشكلة منتشرة حتى عندنا في قطر ، ولكن اظن ان مكتب حقوق الانسان بدأ يضغط على ارباب الاعمال لارجاع الحقوق
وقد تصل على اجباره على التنازل عن المكفول للنقل الى كفالة اخرى.
----
ارفع اليك سلام الاخ طلال بو عبدالعزيز
يخووك توني راد الديرة، وذهلت من الانفلات اللي صاير بالديرة، القز ما كان جذي بهالصورة قبل :/
اما قضية بني بنغال
فالله يخرب بيت اللي كان السبب
وين يروحون من حساب ربك
some one:
"""""""""
عليكم السلام
الله يقويك عزيزي ...
لقد اسمعت لو ناديت حيّاً
ولكن لا حياة لمن تنادي
::::::::
القويري:
"""""""
الثقل زين :)
رعاك الله
غير:
"""
حياكم الله اختي الفاضلة ..
تو الناس على لقب "مفكر" :) .. يبيلها سنين
:::::::::
الفنان:
"""""""
أهلين يا باشا
أشكر لك اطراءك و مرورك
وسلملي عالنبي :)
حياتي هدف:
:::::::::
آمين
وما خفى كان أعظم
:::::::
ضياء الايمان:
""""""""""
أجمعين
جزاك الله خير
هامورة:
"""""""
عليكم السلام ورحمة الله
اي والله ما يستحون
الله يعافيج .. وحياج الله
بس بصراحة ماعرفت شنو معنى تؤ تؤ تؤ !!!؟
This comment has been removed by the author.
مجهول:
"""""
الله يعافيك :)
::::::::
بوسعد:
""""""
اي والله قلبي متروسة .. الشي الله نشوفه يحز بالنفس والله
انا بخير لله الحمد والمنة :)
سألت عنك العافية يالغالي
Mai:
"""
العلاج بالـجَلد طال عمرج
لو كان العاصي ساتراً على نفسه .. لكان العلاج هادئاً
أما ان كان العاصي مجاهراً .. فعقابه التشهير
لا يستر الناس من لم يستر على نفسه
كل أمتى معافى الا المجاهرون
انا انسان:
"""""""""
وانا أسعد اخي الحبيب بزيارة اخهوة مدونين من مصر
لي الشرف :)
حياك الله ياسيدي :)
::::::::
أبو أسامة الدمشقي:
""""""""""""""""""
المثل الاعلى من الناحية الادارية .. والمنهجية كذلك :)
-mate:
""""""
اي اقدر
عندنا مشكلة مع المغازلجية .. والدولة مو قادرة تسوي شي
الحل إن الدولة يديرها حزب مثل حزب العدالة والتنمية
علشان يورونهم الويل مثل مثل ما وروا البنغالية المساكين
::::::::::
q8i blogger:
""""""""""""
منو يقول اليوم ان الكويت دولة علمانية ..
هذول ما انقرضوا؟
شلالات:
"""""
يدقون عالشرطة؟
ليش .. الشرطة اشرف من المغازلجية؟
::::::::
العين:
"""""
"مدونة مميزة و لازالت التجربة التركية تستحق أكثر مما كتب عنها :)"
تحرجونّا باطراءكم ونشكر مروركم .. التجربة التركية كبيرة وعميقة .. لن تسع المدونة جميعاً
لعنا نقف على بعضها .. دعواتكم
مستعدة:
"""""""
أرحب دائماً بالضيوف الجدد ترحيباً خاصاً .. فزيارتك الاولة تشرفنا واستمرارك معنا يزيدنا شرفاً
::::::::
شيماء:
""""""
خوش اقتراح .. يحلقون راسه ويختمون على جبهته ( غ ز ل ) .. ههه
لولوة:
""""""
الله يسلمج اختي
:::::::
why me:
"""""""
اي والله حرام .. هالبنغالي مسكين مظلوم .. زين اشمعنه البنغالي ما ياخذ فلوسه والهندي ياخذ
اكيد البنغالي يقول :
why me
:P
:::::::::
الكويت حبي:
""""""""""
الله يعافيك .. ويرحم حال شبابنا
زيارتك تشرفنا ياخوي
:::::::
الكلداري:
"""""""""
حياك الله يالغالي
سلامي لك ولبو عبدالعزيز ولجيع الاخوة في المركز :)
:::::::::
max:
احنا كل ما نسافر ونرجع الديرة متغيرة اخلاقياً
جان زين نسافر ونرجع نلقى الشوراع متعدلة .. نلقى مرافق يديدة
اكيد البنغالي يقول :
why me
لوووووووووووووووووووووول
:))
اخوي الحارث يعطيك الف عافية على البوست المتميز
انا احييك لأنك متعاطف مع البنغال
هذا شي يبشر بالخير و يطمن بأن ليما الحين ديرتنا فيها ناس عندهم ضمير و قلوب طيبة و نقية
و بالنسبة حق حوادث المغازل اذكر قبل 19 سنة كان فيه بنت ناس نعرفهم كانت طالعة مع رفيجتها و ضايقوهم شباب و سووا حادث و توفت البنت بعمر الورد كان عمرها بس 20 سنة،اهلها انسحنت قلوبهم
كل هذا من سبب لحظة طيش من شباب ما حصلوا احد يربيهم
و مشكووور و تسلم ايدك