مازال حكم السجن في جامعة الكويت قائماً عليّ للسنة الخامسة مع الأعمال الشاقة .. وحيث أنني خريج مع وقف التنفيذ .. يغمرني شعور غريب تختلط فيه (الفكّة) مع الوداع الحزين .. و(الزهقة) مع شعور الذكريات الجميلة في أورقة كليتي الحبيبة .. كلية العلوم الادارية .. ء
.
فإن كان من وقفة وفاء لهذه الكلية .. فأهديها هذه القصيدة التي لم أكتبها بالعربي الفصيح .. ولا النبطي الغليظ .. بل كتبتها باللهجة الكويتية الحضرية مع شوية دلع المُطعّم بالمصطلحات الانجليزية .. تماشياً مع اتيكيت الكلية وتلبية لرغبة جمهور طلبة الكلية الزقرتيّه .. ء
.
فهذه القصيدة .. هي تصوري لمستقبل الكلية بعد سنتين .. حيث صورت نفسي طالباً متخرجاً يعود لكليته بعد سنتين من تخرجه ويرى الكلية انقلب (فوق حدر) .. انقلاب ايجابي طبعاً .. وهذا الوصف الذي وصفته في القصيدة طالماً تمنيت أن يكون واقعاً في عهدي الدراسي .. لكن من يدري .. ربما يكون واقعاً يوماً ما !؟
مع القصيدة :) ء
.
.
في صبيحة يوم شمسـه تكسر عيون البصيــــر
من سنة ألفين وعشرة إن عطـــــانا الله عــمـــر
قلت أسيّر عالجـــــماعة في الاداريــــة وازور
صار لي سنـــــــتيـن من بعد التخـــــرج ما أمر
واركب الموتر واحرّك واشخط الشارع واطير
صاعدن جسر الغـــــزالي ونازلن من هالجسر
يوم دشيت المصـــافط .. المصافط شـي غـــير
لاهي زحمـــــــــــة مـثل أول جنك بيوم الحشر
كل ابوها مظلله وموقفـــك سهــــــــل ويســـير
ماله داعي تـّطق رصيف وماله داعي تنــتـــظر
المهم .. اني نزلــت ورحــــت للمــــبني أســير
وادخل اللوبي واشوف اللي يشيب اْلـْــه الشـعـــر
الا لــوبـــينا تغــــيّر .. ورد ومفروش بحـــرير
شكله ازجــــرتي ورزّه جــنــك بداخل قصـــــر
فيه بنك اسلامي يمّه معهـدن صحّــي صغـــير
فيه حتى فرع "زيــن" وفيه مكتب للســـــفـــــر
أما صدمه يوم اشوف الوضع داخل لِسْكـُـويـر
الا "شوكلت بار" فاتح فيه يمْ بـــــــــاب المـــمر
أما قاعـــــات الدراسة راح عـــهد الطابــشـير
فيها سستم تكنولوجي وأجهزة آخـــــر عـــــصر
لاب توب لـْكِــــل طالب يمـــشي وجـنــّه مدير
هذي كلــــــية تطور لا ورق فيـــــــها وحـــبـــر
والدراسه مســــــتواها عالي وراقي وكبــــــير
كل طــــالب في الادارية يحــق له يـــفــتخــــــر
كل من فيها يتـــــعلم وهـــــو مرتاح الضــمير
لا شُــعبهم مغـــــــلـــقة ولا فيه هــــم ولا كـــدر
أنشطة حلوة وبرامج والوضع حده خــــطــير
!مـــــــو مثل بعض الروابط فالحه بمعرض صور
عندهم كل ما يبون وما علــــيهم مـن قصــــور
كل شيّ ن يطـــــلبونه يـــــيــــــهم برســـم الأمر
كلـــهم اخــــوة ولوّ اخـْـتلفوا في بعض الأمـور
التـــحــاور بــينهـم أخـــــــلاق مع علم وفـــكـــر
لا تعصّــــــــب طــــــائفي ولا تحيّز للعــــشير
كلهم ســنـّــة وشــيعــة وكلهــم بـــدو وحــضـــر
أما كفتيـــــــريا اللي برّه فيــها نعمه وكل خـير
فيها من كـــــل المـــطـــــاعم المطلّة عالبحـــــر
فيها مكدونلد وصب وي وان تبي بدر البـــدور
حـــــتى روبي تيـــوزديّ وهاردروك وفــــدركر
جاوبوني يا جماعة هذا بالله ويــــن يــصـــير؟
مو في كوكبـــــــنا أكيد ولا على سطح القمــر
قمت افكر وانا مستغرب ولا ادري وش يدور
جو ما شفته بحـــياتي ولا على بالي خطــــــر
شفت لي شخص يتمشى قلت اسأله واستشير
قلت يالطيّب تمــــــــــهّل ما على مثلــــك امر
ممكن اسأل شاللي قاعد في الادارية يصير؟
ليش كل طالب يحبها وبانتـسـابه يفتــــــخــــر؟
ليش كل طالب يحس براحه فيها وبسـرور؟
صــــارت الكليــــة عنده مثل بيـــته تعتـــــــبر
شاللي خلاها تتغـــــيّر والزمن فيها يــــدور
وصـــــــارت أيام الدراسة احـــــلى أيام العـمر
قال سل مـــثلي مجرّب لا ولا تسأل خبــــير
راح اجاوب عن سؤالك بالكلام المخــــتصــر
حالنا احسن من اول وضــعنا يبـشر بخــــير
منذ فجر المعــــــتدل في هالادارية ظـــهــــر
..
وسلامتكم :) ء
الحارث بن همام - طالب في قسم التسويق
الابيات قديمة كتبت في 30 سبتمبر 2008
الله يسمع منك و و تمسك المعتدلة رابطة الإدارية
و أنا على يقين إنها مسألة وقت
لا فض فوك
و مبروك عالتخرج مقدما
دمتم
متى قعدت من النوم .. ؟
:)
السنبلة:
""""""""
الله يبارك فيج
ويسمع منج
حياتي هدف:
""""""""""
قاعد الساعة 6 ونص لأن دوامي 8
:)
صح لسانك ومبروك التخرج مقدما
:)
يا خووي شوقتنا للإدارية وبتخلينا نهد دراستنا ونحول
:)
موفق وللأمام دائما
تدري لو تصير هذي الكلية
انا مستعد اعيييد شهادتي
حتى لو بفلوس
لوووووووووووووووووووووووول حضرة الزميل اشدعوة بسنتين بصير كل هذا
كراسي مثل العالم نقعد فيهم بالبريك ماكو
ما اواطن الكلية كل شي فيها
دامك تسويق
HR
جم طلعت فيها وهل إيها صعبة؟
آسفة بس ماني عارفة موديلها و ما اعرف احد خلصها
;p
المنبر الكويتي:
""""""""""""
صح بدنك ياخوي
لا يبا لا تحول .. خلك على انت فيه
تسلم عزيزي :)
الفنان:
"""""""
انا ما اسويها لو شنو
شهد:
""""
خيالي واسع صح؟
مجرد حلم .. ولو انها قوية !!
موارد بشرية والله ليلحين ما خلصتها بس شكلها مادة سهلة
يالله هانت بو عثمان
ما بقي إلا القليل لتخرجك وللمعتدلة
وبالمناسبة
أبي أشوفك بحفل التخرج
أنا معاك إن شاء الله (:
ان شاء بالمعتدله بتسر
تمشي عالي الراس وتشير
انا كويتي اتلافي وافتخر
حرام ، قلبي عورني والله ، الهدرجة تحب المعتدلة ؟!!؟
ولو اني مع المستقلة لحد النخاع وكنت أصوت لها ، الا اني تمنيت لو فازت المعتدلة على الأقل سنة وحده بأيامك لخاطر هالأبيات اللي كاتبها
الشعر حده معبر والفكرة خيال
ما شاء الله
الابيات عجبتني وايد :)
لوول
والله مو هينه القصيده كلششش
بس انا اشوف 2010 حيل قريب يعني لو تبعد شوي اوكي تكون واقعيه اكثر :p
بس اما اييه
صح لسانك
:) يخليك للاداريه ويخليها لك
لوول لحظة احس لما قلت يخليك للاداريه ويخليها لك بتقول فال اله ولا فالج بتخرج بس
فحبيت اوضح قصدي
انشالله تتخرج وتفتك على قولتك بس مع ذكرى حلوه وطيبه
:)
السلام عليكم
أولا تهنئه للكويت ولكل دارج على أرضها ومستظل بسمائها
بأفراحها وأعراسها الوطنية البهيجة ومزيدا من التقدم للشعب الكويتي الشقيق
ثم تهنئه لهذه المدونه وصاحبها التميز والتسيد ليكون معها في المقدمة وهما كذالك
منذ مده دوما في المقدمة فكرا وطرحا وعمقا ووضوحا
واسفي أنني لم أشهد أيام مجدها الأولى ولم أنهل من جود فوائدها إلا في وقت
قريب غير ان التأخر لم يمنعني أن أطالع ما حوته من فريد وهي في مهدها المجيد
وكعادتي دموا أتاخر في تقديم " واجب " كهذا فأقبلها مني
سيد المقدمة ... مزيدا من التوهج و الإمتيازية لك ولمدونتك التي أراها في القمه مع قلة
على شاكلتها ......
اعجبتني ريشتك البديعه في البوست الماضي .... تحمست أطلعكم على شيء من لوحاتي ويمكن في الأيام المقبلة انزل شيء منها ويهمني آراء المبدعين أمثالكم
فيه سؤال محيرني بما انك جبت طاري الدراسه في موضوعك وبالتحديد الدراسه الجامعيه ليش المتفوق في مراحل دراسته الأولى من الإبتدائي وحتى الثانوي " يغرّز سنوات في الكلية ومحتاج ونش للسحب , ويدبّل السنه سنتين ويشيب راسه وهو
يحلم بالتخرج وريحته الشذيه الجديدة رغم انه كارف عمره مجتهد وأحيانا بالع الكتاب حفظ !؟
هل الخلل في سياسة الدراسه الجامعيه وقوانينها المطلمسه ..
أم في الطالب نفسه ..
ام الحظ الذي ينتقي صاحب الحظ فقط
وفيه اشاعه تقول الحظ الكل بالكل في الجامعه
أم هو نوع من الوفاء وحب العلم
من قلب للصرح الجامعي ..البقاء في أروقتها بدل أربع سنوات .. ثمان
هذ ي ظاهر عندنا منتشره في السعودية واعتقد أنها موبس عندنا
بالتوفيق لك في الدراسه أبيات جميله ولغتها ........أجمل
ملاحظة جانبية .....
ولا عليك أمر ممكن تشوف تعليقك على الأخ أبو أسامه في البوست الماضي بسرعه وتدقق فيه صح
متأكدة انك راح تكتشف الخلل من غير ما أذكره ( قول توك فوق تمدحين ..وما منك قصور ....و....... مسرع تنقدين .. لا وفالتعليق بعد
لأنه ذكرني بشيء حصل مع كاتب سعودي في مقال له وشبيه لما كتبت وتفاجئنا بأن القضية حجمها كبير بالمرة ..
ياليت تبديه على كل شيء
هاهاههها عجيبة :)
ذكريات كليتي
والله أيام حلوة
الصورة ذكرتني كنت دايما أصفط جدام هالمبنى الدائري
أهم شي المعتدلة :)
ابوأسامة:
"""""""""
هههههه .. عزيزي بوأسامة
اللي مثلي .. الجامعة ما تسويلهم حفلة تخرج
مركبنا:
"""""""
على راسي :)
النهاية مو على مزاجي بس عجيب
مبدع
دلال:
""""
احب المعتدلة للفكرة اللي تحملها هذي القائمة
وأحب اخواني في القائمة المستقلة اللي بيني وبينهم عشوات وطلعات وروحات وجيّات -كلنا ربع
اشكرج على كلامج الطيّب والله يجبر خاطرج
منطلقة بطموحي:
""""""""""""""
كلكم نظر :)
سيليزيا:
""""""""
ادري 2010 قريب .. بس انا كنت كاتبها السنة اللي طافت .. يعني عالاقل يمدي سنتين
عموماً اذا كنتي تحاتين الواقعية .. فالواقعية مالها اعتبار في الشعر .. لأن الشعر يعتمد على المبالغة .. وكما يقال : أعذب الشعر أكذبه
صح بدنج والله يخلي الادارية حق باجي الطلبة :)
الغدوف:
"""""""
عليكم السلام
اشكرج على التهنئة والمباركة بالعيد الوطني و العيد المدوناتي :) وانت اهل الواجب دائماً
رجعت الى التعليق الذي ذكرتيه وفهمت ما اردتي الاشارة اليه ..
خرج النبي صلى الله عليه وسلم مع الصحابة في يوم بدر .. واراد ان يستشير الصحابة في امر القتال .. فقال اشيروا علي أيّها الناس
فقام سيد المهاجرين يومئذ المقداد بن الاسود فقال:
يا رسول الله! والله لقد آمنا بك وصدقناك، فلو خضت بنا برك الغماد لخضناها معك... ما تخلف منا رجلٌ واحد .. والله لا نقول لك كما قالت بنو إسرائيل لموسى: فَاذْهَبْ أَنْتَ وَرَبُّكَ فَقَاتِلا إِنَّا هَاهُنَا قَاعِدُونَ .. بل نقول اذهب انت وربك فقاتلا انا معكما مقاتلون
فسُرَّ النبي من صلى الله عليه وسلم من هذا القول الذي فيه دلالة على التأييد والمؤازرة .. وهذا ما قصدته لأخي أبي أسامة :)
:)
:)
Ra-1:
"""""
كلّيتج ؟
معلومة جديدة :)
بس اهم شي اخر بيت زلقت مني كلمة المعتدلة جني ما ادري :)
مطقوق:
""""""
ههه .. هذي لعبتها
تحياتي :)
من صجك
عبالي كلمن يدري :)
تبي تشتريها؟
وآنا اقرا الابيات قلت من القائمة اللي معدله الكلية ماشالله شادين حيلهم
بس إذا كل هالتعدل اللي بتعدله بالكليه
معناته استمرت ماسكة الكلية لمدة هالسنتين عشان يمديها تغير
Ra-1:
"""""
اي والله .. عبالي حقوق
اشتري شنو؟
Relaax:
"""""""
أنا أؤمن أن التغيير الجذري ممكن يأتي فجأة وفي زمن قياسي .. إذا عُرف المفتاح المناسب للتغيير
ليس الحل بالوقت .. انما الحل بالمفتاح .. والمفتاح عندي :) وانا بوهندي
ياااااااهوووووووووووووو ..
صح لسانك .. وانا اشهد انط سنافي :)
يفعلها المعتدل والله :)
وتحياتي ..
ويسلمواااااااااااااااااااا :)
3jeeeeeeeeeeeeeeeba ^_^
LoooL 7ady estanst wana agraha =)
ensha'allah tfooz el.MO3TADILA o tmsk el.rab6a
wallah ysahel omourek wtet5araj b.Asr3 wgt ;p
Mwfgeeeen Jmeeee3an
شكرا لهذا التوضيح في هذا الأمر الذي أشكل علي
بارك الله فيك
أما خوينا صاحب المقال الله يغفر لنا وله الذنوب و الذي جعلني أربط بينه وبين ما كتبت
فقد كان في مقاله يمدح احد الأمراء السعوديين الشعراء وقد ذهب في مقاله بوضع آخر الآيه الكريمه (والشعراء يتبعهم الغاوون ألم ترَ أنهم في كل وادٍ (يهيمون وأنهم يقولون مالايفعلون
ليقلب المعنى والكلمات في الآيه الكريمه وصدر في الموضوع فتواى من العلماء بحقه وبحق ما كتب
والظاهر انه كان ناسي انها آيه
اشكرك مجددا والله يزيدك علم ومعرفه
كلـــهم اخــــوة ولوّ اخـْـتلفوا في بعض الأمـور
التـــحــاور بــينهـم أخـــــــلاق مع علم وفـــكـــر
لا تعصّــــــــب طــــــائفي ولا تحيّز للعــــشير
كلهم ســنـّــة وشــيعــة وكلهــم بـــدو وحــضـــر
قمة .... صج قمة
عسانا نشوفك عميد الأدارية المستقبلي
ويكون التغيير على ايدك
كالعادة يا سيد طلال
صج إبداع .. بكل معنى الكلمة
خيالك مو واسع .. اوسع من الوسع نفسه
قرب التخرج .. وعندي نفس احساسك
بس انا بعدك بشوي :P
شكرا لك صديقي
ما شاء الله
مبدع
This post has been removed by the author.
الله يهداك 5 سنين!!!!
خليتها هندسة وطب
هذا وتخصصك تسويق
لو محاسبة والا تمويل شبتسوي!!
خوش قصيدة بس يبيلها تعديلات
بس على المعتدلة من صجك ياخذونها
اهي سنة وحدة كانت الفرصة احسن فرصة وتثثت ، الحين صعبة الا اذا تغير شي
بس تكفى شبتسوون شي يديد
بتسوون دروس زيادة
والا بتأسلمون المواد
حالكم حالهم
محاضرات
معارض
مهرجان انشادي
كا ربعكم بالكليات الثانيه شنهو الانجاز العظيم اللي سووه!!
يا حلات هالحكم بالسجن ما دام بالعلوم الادارية
اشوه مو كليه ثانيه
:)
ذكرتني بما مضى :)
كنا نروح الادارية و الاجتماعية ايام ما كانت كليتنا بالشويخ..
نروح كأننا طلعنا من دولة فقيرة و ذهبنا الى دول من دول العالم المتحضر..ننبهر بكل شي موجود بالكلية
:)
تمتع بوجودك في الكلية الى ان تتخرج باذن الله..
احلى ايام العمر
:)))
صج لسانك بوعثمان !!
شهالزين :)
اهم شي عجبني بالقصيده شلون وزنت بيت المطاعم :9
واهم شي بدر البدور :)
الله يسمع منك ، وماادري ليش حسيت نفسي جزء من هذا الانتصار رغم البعد الجغرافي :)
الله يوفقكم وييسر عليكم وتشوفون هالحلم :)
دمت لنا مبدعا
صج لسانك بوعثمان !!
شهالزين :)
اهم شي عجبني بالقصيده شلون وزنت بيت المطاعم :9
واهم شي بدر البدور :)
الله يسمع منك ، وماادري ليش حسيت نفسي جزء من هذا الانتصار رغم البعد الجغرافي :)
الله يوفقكم وييسر عليكم وتشوفون هالحلم :)
دمت لنا مبدعا
صج صج حبيت بيوت الاحلام اللي رسمتها بهالبوست
وحبيت شلون ربطت بين المعتدله وحلمك انك تشوف الاداريه احلى
بس جنك كثرت مطاعم فيها;P
صارت افنيوز مو كليه دراسيه
عاد تحملها من اختك اللي تنافسك فكريا:
الاتحاد ماسكنا من مليون سنه ماشفنا شي;P يعني المعتدله بتسوي شي
ما شالله الأبيات مشوقة جعلتني أكملها حتى النهاية ..
انشالله تمسك المعتدلة الإدارية و تحققون الانجازات المفرحة ..
كويت الخير:
"""""""""
صح بدنك
الله يسلمك :)
حقوقية:
"""""""
امين اجمعين
الله يسمع منج
الغدوف:
"""""""
اهلا وسهلا سيدتي :)
زادنا الله واياكم علماً
حجر كريم:
""""""""
عميد الادارية !؟؟
والله فكرة .. راح اقلّب الموضوع :)
اجتماعي:
""""""""
احلام اليوم حقائق الغد يا سيد سعد :)
العين:
"""""
:)
:)
مجهول:
"""""
خذيت الكلية 5 سنوات حق اكتساب الخبرة .. بس شكلي ما اكتسبت شي
من صجك ما ياخذونها المعتدلة .. الجماعة يبون الرابطة من قلب .. عندي احساس يسوونها
بعدين شنو يأسلمون المواد ؟؟ ههههه
شدعوة ياخوي .. شقالولك طالبان ؟
شباب وطالبات المعتدلة وايد منفتحين
openminnded على قولتهم
:)
.. بالتوفيق يا الحارث
و الله انا أتابعك من يوم افتتحت هالمدونة المباركة .. طرح الله فيك البركة
و معجبة جداً بمدونتك و خصوصاً بشكلها الجديد و بفكرك الراقي ..
جعلك الله دوماً في المقدمة ..
و أعاننا الله و إياك على طاعته
و .. تنصحنا ندخل " كلية العلوم الإدارية ولا لا ؟
(( اختك : مريم ))
احلام اليوم حقائق الغد
ما على الله كثير
اختكم
This post has been removed by the author.
صح لسانكم :)
قصيدة رااائعة اعجبتني واايد :)
ان شاء الله الانتخابات الياية تشهد فوز المعتدلة :)
ومبروك التخرج مقدما :)
بوعمار:
"""""""
صح بدنك ..
بيت المطاعم شلون وزنته ؟
الجوع وما يسوي
بدر البدور حق طلبة الاجتماعية والحقوق والمعهد التجاري اللي يتمشون عندنا بالكلية
:P
سنعة:
"""""
اشكرج على كلامج الطيب .. هذا من ذوقج
وبالمناسبة .. التعليم اذا اقترن بالمتعة .. فإن نسبة التعليم تزيد .. وهذي ثابتة علميا
ومن هذا المنطلق نبي كليتنا تكون مكان ممتع :)
أختي .. التنافس بالفكر امر راقي .. نأمل ان لا يكون التنافس على شيء سلبي
والمعتدلة لديها تصور واضح عما ستفعله بالرابطة لحظة استلامها لمفاتيحها :)
الاجتماعية:
""""""""""
شكرا على الاطراء .. والله يسمع منكم
This post has been removed by the author.
حسام بن ضرار:
"""""""""""""
صدقني لأ .. عوار قلب ياخوك
مريم:
""""
اجمعين يارب
وتشرفني متابعتكم للمدونة .. واعجابكم بها يدفعني للاستمرار .. نسأل الله الاخلاص
وشكر الله لك على دعاءك الطيب
سؤالك اختي لا استطيع الاجابة عليه .. ولو جاوبتك سأكون مجرماً كبيراً
لأني لو نصحتك ولم تكن الكلية تناسب ميولك ومجال حياتك .. سأكون قد جنيت على مستقبلك
ربما لو سألتيني عن طبيعة التخصصات الموجودة في الكلية وجاوبتك فيها بكل حيادية .. ثم قارنتي التخصصات بميولك .. سيكون افضل لكِ
انطلاقة:
"""""""
ونعم بالله
انهم يرونه بعيدا ونراه قريبا :)
مروجية:
"""""""
صح بدنكم وماعليكم زود
والله يسمع منكم ويبارك فيكم
ادارية
كلية
راقية لابعـد
الحدود
احببتها
جدا و سأظل احبها
رائعة تلك الحروف
المرتبة .. العفوية
العذبة ..
انتقاؤك
راقي
:)
شنو شنو شنو ، بدر البدور حق الاجتماعية ؟؟
أصلا كليتنا أحلى وأرقى من كليتكم
(( عندنا نافورة وانتو ما عندكم ))
(( ومبنانا أكشخ من مبناكم ، لونه أزرق أحلى ))
(( وكافتيريتنا أكبر من كافتيريتكم ))
(( وكلاساتنا أحلى وأكبر من صفوفكم ))
عز عز يا الاجتماعية
وعلى فكرة: الادارية معروفة مستواها في طلبتها ، وهذا كان قبل ، لما بس اعيال وبنات التجار اللي كانوا فيها اما ألحين اختلطت من جميع المستويات
واحنا ما نتمشى بكليتكم المقموته
كلش عاد ولا الاجتماعية ،،، ما نرضى عليها
هذي امي وابوي ووطني
:)
اممم ... هذي المدونة كلش كلش مو متطفلة على التعليقات وبالصدفة طاحت على هالجملة:)
.. السلام عليكم
:)
ربما لو سألتيني عن طبيعة التخصصات الموجودة في الكلية وجاوبتك فيها بكل حيادية .. ثم قارنتي التخصصات بميولك .. سيكون افضل لكِ ))
عليك نور :)
هذا اللي كنت أبيه .. بس لو ماعليك امر تشرحلي عنها .. اكون من الشاكرين لك :)
و نسيت لا أقول لك : صح لسناك على الأبيات الروعة و زادك الله من علمه
و ما شاء الله تبارك الرحمن خيالك واسع
و على فكرة أول مره من افتتحت المدونة ( اكتب تعليق
:)
بارك الله فيكم
(( اختك : مريم ))
صح فؤادك يا الحارث .. و تعيش المعتدلة :)
كل عام ومدونتك بخير :)
ان شالله تتخرج عاجلا غير اجل..
ووش وراك اذا تخرجت غير الفرارة تدور وظيفه ؟؟؟
نــksa ــورة
جان زين الله يسمع منك
ان شاءالله تتخرج وتشتاق للكلية :P
صح لسانك..
اذا صج بتصير جذي بحول من الحين..
كليتنا تلوع الجبد \=
ابيات رائعة
سلمت يداك
أبيات رائعة
صح لسانك
اذا تحقق حلمك خبرني عشان انقل اوراقي عندكم:p
الله يوفقك بدراستك
منو ينسى :
""""""""""
اوافقك في الشعور
حبيت اصدقاء جمعتني الكلية فيهم
اشكرك على اطراءك الطيب .. هذا من ذوقكم
دلال:
""""
احم ..
اي اصلا الاجتماعية احلى كلية ..
من يقول ان طلبة الاجتماعية يتمشون عندنا ؟؟
اختي مريم :
"""""""""
صح بدنكم واشكركم على الاطراء
ويشرفني متابعتكم للمدونة وتعليقكم يزيدني شرفاً
الكلام عن التخصصات بكلية العلوم الادارية يطول لكن سأذكرها ولكِ ان تطلعي على موقع الكلية لتقرأي عنها المزيد
لدينا تخصص التمويل والمحاسبة والتسويق .. وهي من وجهة نظري الافضل لمن يريد الدخول في ادارة الاعمال والعمل في شركات القطاع الخاص .. فهذه التخصصات مرغوبة في سوق العمل
تخصص نظم المعلومات يعتمد على الرياضيات والكمبيوتر
الادارة العامة .. ربما ليس له رغبة كثيرة في سوق العمل لكنه اسهل تخصص في الكلية
الاقتصاد .. لمن يحب التنظير والجانب النظري .. ويفضل لدارسي هذا التخصص اكمال دراستهم الى الدكتوراه .. فهو تخصص اكاديمي بحت
للمزيد موقع الكلية
cba.edu.kw
مبروك التخرج وصح لسانك يالحارث :)
kuwson:
"""""""
صح راسك
وتعيش غزة :)
نورة:
"""""
وانتي بخير وصحة وسلامة
الله يسمع منكِ
مبروك على المدونة .. سمو فتاة
ريانة العود:
""""""""""""
فعلاً راح اشتاق للكلية
انشالله ارجع لها واشوفها غير
هامورة:
"""""""
صح بدنج
يمدي التحويل :)
الله يسلمج
كبرياء وردة:
"""""""""""
صح بدنج
اخبرج انشالله قريباً :)
رائد النهضة:
""""""""""""
صح بدنك والله يبارك فيك
مبرووك التخرج مقدماا ومنها للاعلى يارب
والمعاناه الجامعيه تستاهل معلقات
صح لسانك:)
This post has been removed by the author.
:)
مادري عنه ،،، واحد كله يطمح يكون بالمقدمة ملقب نفسه الحارث مادري شنو ؟؟
علطول 24ساعة ، يتمشى عندنا بالاجتماعية رايح راد على مكتب ابوه يطلب منه فلوس
يالله الديرة كلها لهم أوقفت على هالكلية
:)
.. الله يجزاك خير
.. اعتذر ان تعبتك معاي
.. و ما قصرت على الرد
.. و بانتظار إبداعاتك يا الحارث
و بالتوفيق و رزقك الله الفردوس الأعلى
.. بغير حساب
^_^
(( مريم ))
@@
CBA
وما ادراك ما CBA
هذاك كان زمان
حاليا وبالوضع الراهن للأسف الكليه في تدهور مستمر
بس ليش لا كل شي يصير !!
بس صعبه بعد سنتين يبيلها 100 سنه :]
أهم شي لا يشيلون قلوبل لأن أحب القعده فيها :p
ومبروك على التخرج مقدما
وصح لسانك
وعساك على القوه أخوي
angel heart:
""""""""""""
الله يبارك فيكم وصح بدنكم
:)
المعلقات تولد من المعانات
دلال:
""""
الله يهديه بس
بلوق عمتي:
"""""""""
حتى هذي لهم .. انطر عليهم شوي بس
مريم:
""""
ما من تعب ..
بالتوفيق وجزاكم الله خير على الدعوة الصالحة
اجمعين
U turn:
""""""""
صح بدنك والله يقويك
لا تخاف .. قلوبل بيصير مكانة صالة بولنج
ان شاء المعتدلة على موعد مع الادراية
2009
اي والله صح لسانك وكلنا ننطر المعتدلة تمسك زمام الأمور بالكلية:) عاد كان ودي تمسكها واحنا فيها:(
وصج مبروك على التخرج مقدماً، على فكرة راح اتخرج وياك بس انت سابقني بسنة:))
عاد انشالله يسوولنا حفلة تخرج الحين مو اذا شيبنا:)
صح لسانك يالحبيب...والله يسمع منك باقي هالعقدة مادري متى نفلها
اهما خل يفوزون الشباب وراح يعطون المست... مليون صفر مو واحد صفر:)
ياربي هالكلية كل شي فيها غير حتى موقعهم اسمه سكبة شنو هالكلية العجيبة كل شي فيها زقرتي بس ناقصها حبيبتنا المعتدلة:)
وسلمت يمناك على الأبيات الحلوة:)
CBA student
لا بأحلامك لا بأوهامك لوووول
هالشي مستحيييل يصييير ..
زيارتي الأولى : )
مدونة رائعة : )
كويتي صريح
"""""""""
انشالله .. الله يسمع منك
المهرة:
""""""
صح بدنج ..
حفلة التخرج مو حق ناس مثلي .. حق اللي شوية اشطر
:)
ائتلافي حتى النخاع:
""""""""""""""""
صندوق الطلبة 2009 معتدلة
باذن الله
مجهول:
"""""
الله يسلمك
الكلية من غير معتدلة ظلمة
شهد:
""""
زيارج الاولى تشرفنا .. واستمراكم معانا يزيدني شرف
ماكو شي اسمه مستحيل :)
الله يسمع منك :)
و عقبال هندستنا تصير مثل حال اداريتكم الحالي
ما نبي زود والله العظيم
صـح لـسانك أخـوي :)
" لا تدري لعل الله يُـحدث بعد ذلك أمرا " :)
دامت لنا جامعة الكويت بـ" شعبها المغلقة و مواقفها المزدحمة " ;p
الحمدلله على كل حال المهم عايشين بالكويت وعسى الله يفرجها علينا ولو إن أظنها لا تفرج ;p
بالتوفيق أخـوي والفلاح والصلاح فـي الدارين =)
وعـااشت المعتدلـه :*
كـن بـخير =)
一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載
情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍
A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛
情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色
情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室
من منو سارق هالصوره؟
مجهول:
"""""
واصلتني بالايميل ياخوي
اظن عليها توقيع اللي مصورها
بس ياخوي احنا ما نسرق :)
9ara7a sima3t 3an 7athretek wayed bass matewag3t chthe 9ij kilmat zgert shway 3ala ur blog...oo elga9eda mashallah mo 9ij ...9ij allah ya36eeek el3afya oo lil a3la inshallah bitawfeeeg